Фота www.handball2015.en.beinsports.ne.
Галоўны трэнер зборнай Беларусі Юрый Шаўцоў пасля паразы ад каманды Бразіліі (29:34) заўважыў, што беларусы знаходзяцца на тым месцы, якое заслугоўваюць.
У трох матчах чэмпіянату свету па гандболе беларуская зборная тройчы прайграла.
«Адназначна, мы знаходзімся на тым месцы, якое цяпер заслугоўваем. У нас нуль ачкоў пасля трох гульняў. Мы маглі набраць балы ў матчы з іспанцамі, а ў паядынках са славенцамі і бразільцамі шанцаў не было», — сказаў Шаўцоў.
Пасля 3-х тураў: Іспанія, Катар — 6, Славенія — 4, Бразілія — 2, Беларусь, Чылі — 0.
