Прэзідэнт Украіны і міністр унутраных спраў Украіны далі загады ўкраінскім сілавым структурам пра спыненне агню з поўначы 15 лютага.
Раней удзень спыненне агню анансавалі баевікі «ДНР» і «ЛНР».
13 і 14 лютага расійскія сілы працягвалі шквальны артылерыйскі і ракетны абстрэл Дэбальцава і Аўдзееўкі, аднак не змаглі істотна прасунуцца ні на адным з участкаў.
У той жа час ўкраінскія добраахвотнікі ў апошні дзень баявых дзеянняў прабілі дарогу да аточанага Дэбальцава ў абыход захопленага пазаўчора Логвінава.
Сачыць за ходам перамір'я маюць назіральнікі АБСЕ, а таксама ўкраінскія і расійскія афіцэры з Супольнага цэнтра каардынацыі і кантролю (СЦКК). Колькасць назіральнікаў АБСЕ, па словах пастаяннага прадстаўніка РФ у арганізацыі Андрэя Келіна, у суботу было павялічана ў паўтара раза, да 350.