У якасці аўдыёплэеру на сайце Літрадыё выкарыстаны плэер сервісу SoundCloud. Гэта дазваляе любому слухачу публікаваць творы, якія яму падабаюцца, на сваіх старонках у сацсетках.

Літрадыё — гэта найвялікшая фанатэка сучаснай беларускай літаратуры, дзе аўтары самі чытаюць свае творы.

Першая версія сайта запрацавала ў жніўні 2008 года і папаўнялася запісамі з праекту «Начная чытанка» Беларускай службы Радыё Свабода. Пасля Літрадыё пачало запісваць літаратараў у студыі Еўрапейскага радыё для Беларусі. Цяпер жа больш звязана з Беларускім ПЭН-цэнтрам і запрашае аўтараў на запіс у офіс гэтай арганізацыі.

Сёння на старонцы Літрадыё — 63 аўтары і больш за 1000 твораў.

Ад часу заснавання кіраўніком праекту быў празаік Павел Анціпаў. У 2013 годзе яго змяніла паэт і празаік Наста Манцэвіч. З 2014 года куратарам Літрадыё з’яўляецца паэт і музыка Уладзь Лянкевіч.

Зараз партнёрамі Літрадыё выступаюць Саюз беларускіх пісьменнікаў і кампанія «Будзьма беларусамі».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру