 Здымак photo.bymedia.net |
Ва ўсіх праваслаўных храмах Беларусі пройдуць набажэнствы вялікага асьвячэньня водаў у гонар сьвята Богазьяўленьня.
Паводле народных вераваньняў, вада на Вадохрышча валодае асаблівай лячэбнай сілай, дае здароўе. Вернікі лечаць раны, яна дапамагае адвесьці любую бяду.
Напярэдадні і ў дзень Вадохрышча сьвятары асьвячаюць бліжэйшыя крыніцы — азёры, рэкі, сажалкі. Існуе традыцыя купаньня ў такіх водах.
Вераць таксама, што жаданьні, загаданыя ў ноч на Вадохрышча, абавязкова збудуцца.
Заўтра сыноптыкі прагназуюць цёплае надвор’е, ападкі ў выглядзе мокрага сьнегу і дажджу. У асобных раёнах галалёд, на дарогах ‑‑ галаледзіца.
19 студзеня вецер паўднёвы, раніцай і ўдзень на большасьці тэрыторыі парывы да 15‑20 м/с. Тэмпэратура паветра уначы ‑3..+3°С, удзень 0..+5°С, у Берасьцейскай і Гарадзенскай абласьцях да +7°С.
