У Зэльве (Гродзенская вобл.) грузавы цягнік скінуў з рэек аўтамабіль «Пежо», паведамілі ў аддзяленні агітацыі і прапаганды УДАІ УУС Гродзенскага аблвыканкама.

Каля 14:15 таварны цягнік, які рухаўся з боку Слоніма ў бок Ваўкавыска, наблізіўся да пераезду па вул. Булака, дзе нечаканай перашкодай яму стаў легкавы «Пежо». Цягнік не змог спыніцца і скінуў легкавік з адхону.

Пацярпеў малады кіроўца аўтамабіля і ягоны бацька, які ехаў у якасці пасажыра, іх даставілі ў бальніцу.

Як сцвярджаюць відавочцы, машыніст гудком папярэдзіў аб сваім набліжэнні, светлавая і гукавая сігналізацыя на чыгуначным пераездзе таксама дзейнічала. Яны вельмі здзівіліся, калі ўбачылі, што «Пежо» выехала на рэйкі прама перад грузавым саставам, паведамляе ДАІ.

Прычыны і абставіны аварыі высвятляюцца.

Фота: ДАІ УУС Гродзенскага аблвыканкама

Фота: ДАІ УУС Гродзенскага аблвыканкама

Фота: ДАІ УУС Гродзенскага аблвыканкама

Фота: Аляксандр Панасік

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру