Apple выканала абяцанне гадовай даўніны: цяпер можна абіраць смайлікі, адпаведныя сваёй культуры, паведамляе 9to5mac.
У бэта-версіях аперацыйных сістэм кампаніі можна абраць адзін з шасці колераў скуры смайлікаў. Для гэтага дастатнова доўга націснуць на іконку.
Акрамя новых колераў скуры, сярод смайлікаў з’явіліся дадатковыя нацыянальныя сцягі, выявы iPhone 6 і Apple Watch, а таксама эмодзі аднаполых пар з дзецьмі.
Апошні раз набор эмодзі Apple папаўняўся ў 2012 годзе — тады ў ім з’явіліся выявы аднаполых пар.
У новых версіях аперацыйных сістэм Apple таксама дадалася падтрымка рускай, галандскай, шведскай і тайскай мовы ў галасавым асістэнце Siri.
0
0
0
0
0
0
