Еўрапейскі парламент пераважнай большасцю галасоў пагадзіўся з прадастаўленнем Украіне 1,8 млрд еўра макрафінансавай дапамогі.
Адпаведнае рашэнне было прынята ў рамках пленарнага пасяджэння Еўрапарламента па выніках абмеркавання дакладу Габрыэліуса Ландсбергіса.
За прагаласавалі 492 дэпутаты, супраць — 107, устрымаліся — 13.
«Еўрапейскі парламент, прымаючы прапанову Еўрапейскай камісіі, прыняў сваю пазіцыю ў першым чытанні», — адзначаецца ў дакладзе.
Такім чынам, для ўступлення ў сілу рашэння аб выдзяленні Украіне 1,8 млрд еўра макрафінансавай дапамогі застаецца апошні этап — прыняцце яго Саветам ЕС, што можа быць зроблена на любым пасяджэнні.
0
0
0
0
0
0