Папярэдне замовіць гадзіннікі са зніжкай 5% можна было на сайце chvilina.by. Да ўвагі гледачоў былі прадстаўлены два варыянты гадзіннікаў — «Повязь часу» і «Вершнік 1588». Адна з спецыфікацыяў мадэлі — «Повязь часу», мае мужчынскі (кошт - 1,5 млн рублёў) і жаночыя варыянты (1,25 млн). Усе гадзіннікі аказаліся з кварцавым механізмам.
Серыя «Вершнік» лімітаваная — толькі 300 гадзіннікаў. Але і кошт значна вышэйшы — 3,3 млн рублёў. Такая сумма склалася з-за срэбнага пакрыцця гадзінніка (каля 2 грамаў), сапфіравага шкла і швейцарскага механізма «Ronda».
Як расказаў на прэзентацыі гадзіннікаў дырэктар кампаніі «Хвіліна» Андрэй Гараўскі, дызайн гадзіннікаў абіралі праз інтэрнэт-галасаванне на сайце «Мова Нанова». А галоўнай мэтай кампаніі было стварыць якасны беларускі прадукт з нацыянальнымі матывамі і сімволікай для самай густоўнай аўдыторыі.
Серыя «Повязь часу». У чорным скураным раменьчыку — мужчынскі варыянт.
Серыя «Вершнік» лімітаваная — толькі 300 гадзіннікаў.
Жаночая серыя «Повязь часу».
Серыя «Вершнік» мае срэбнае пакрыццё, сапфіравае шкло і швейцарскі механізм Ronda.
На адваротным баку гадзінніка серыі «Вершнік» цытата з верша Максіма Багдановіча «Пагоня».
Лімітаваная серыя «Вершнік» у футарале.
Падчас прэзентацыі гадзіннікаў кампаніі «Хвіліна» на курсах «Мова нанова».
Дырэктар кампаніі «Хвіліна» Андрэй Гараўскі.