Найбольш прымальным варыянтам маршруту, па якім павінна прайсці новая Палеская чыгунка, спецыялісты прызналі наступны: Глушкавічы — Лельчыцы — станцыя Міхалкі Мазырскага раёна.
lelchitsy.gomel-region.by
Нарматыўны тэрмін будаўніцтва — чатыры гады. Чыгуначны рух у некалькі разоў скароціць транспартныя выдаткі прадпрыемстваў Гомельскага прамысловага парку «Палессе — Лельчыцы».
Аб'ём інвестыцыйных затрат складзе амаль $450 млн без уліку рухомага складу. Лукашэнка даручыў разлічыць мэтазгоднасць будаўніцтва. Для пошукавых і праектных работ спатрэбіцца яшчэ каля двух гадоў.
