Смяротная аварыя адбылася а 13.10 у Вялікую Пятніцу на сталічнай вуліцы Каліноўскага.
«Скрыжаванне Каліноўскага і Кедышкі, байкер. Падобна да таго, што ўсё», — напісаў сведка Улад_Сюр. У ДАІ Мінска нам пацвердзілі: у смяротнай аварыі насупраць дома 38 на вуліцы Каліноўскага загінуў малады матацыкліст.
Хлопцу быў 21 год. Пасведчанне кіроўцы катэгорыі «А», паведамілі ў ДАІ Першамайскага раёна Мінска, ён атрымаў 4 красавіка.
Пакуль вядома толькі, што матацыкл сутыкнуўся з Toyota Land Cruiser пад кіраваннем 31-гадовай жанчыны: уседарожнік выязджаў на Кедышкі з мясцовага праезду налева ў бок Каліноўскага.
Пры якіх абставінах адбылося сутыкненне — высвятляе следча-аператыўная група.
0
0
0
0
0
0