Photo by Laimonas Ciūnys, WLL
У бліжэйшыя суткі, 10 ліпеня, умовы надвор'я на тэрыторыі Беларусі будзе вызначаць халаднавая няўстойлівая паветраная маса са Скандынавіі. Чакаецца воблачнае з праясненнямі надвор'е.
Ноччу месцамі, днём на большай частцы тэрыторыі пройдуць кароткачасовыя дажджы, днём у асобных раёнах — навальніцы.
Вецер заходні парывісты, днём месцамі моцны парывісты.
Тэмпература паветра мінімальная ноччу складзе 9.. + 15°C, максімальная днём 14.. + 20°C, па паўднёвым усходзе паветра прагрэецца да + 23.
У наступныя двое сутак, 11-12 ліпеня, захаваецца халаднаватае ветранае надвор'е.
11 ліпеня часам пройдуць дажджы, днём у асобных раёнах прагрымяць навальніцы. Месцамі па паўднёва-заходняй палове моцны парывісты паўночна-заходні вецер. Тэмпература паветра мінімальная ноччу складзе +8.. + 13°C, максімальная днём +15.. + 22°C.
12 ліпеня месцамі, пераважна па паўночна-ўсходняй палове краіны, пройдуць кароткачасовыя дажджы, днём у асобных раёнах прагрымяць навальніцы.
Тэмпература паветра мінімальная ноччу +8.. + 13°C, максімальная днём 17.. + 22°C, па паўднёвым захадзе да + 24°C.
