У сярэднім за суткі вада ў рэках падае на 7—10 сантыметраў. Пакутуе раслінны і жывёльны свет, а таксама ствараюцца перашкоды для рачнога транспарту. Былая супрацоўніца Пінскага міжраённага цэнтра па гідраметэаралогіі Таццяна Гарошка кажа, што ўся праблема з-за адсутнасці снегу ўзімку:
— Тэмпература прамярзання глебы была таксама не такая ўжо вялікая, вышыні снега таксама мы не набралі дастатковай. Каб гэта ўсё вярнулася ў норму, нам патрэбны моцны цыклон на тыдзень як мінімум. Трэба, каб хоць тыдзень бесперапынна ішлі ападкі.
