Фота Reuters/Getty Images
«Пуціна будзе вельмі, вельмі, вельмі цікава іграць, я хацеў бы яго сыграць», — сказаў галівудскі акцёр Леанарда Дзі Капрыа, адказваючы на пытанне журналіста газеты Welt am Sonntag.
Выданне нагадвае, што Дзі Капрыа і Пуцін сустракаліся некалькі гадоў таму на саміце ў Санкт-Пецярбургу, дзе абмяркоўвалася праблема выратавання амурскага тыгра. «Мой фонд мае некалькі праектаў па абароне гэтых жывёл, мы падтрымліваем іх фінансава. З Пуціным мы гаварылі толькі пра абарону гэтых цудоўных жывёл, не пра палітыку», — распавёў Ды Капрыа.
Ён адзначыў, што таксама цікавіўся расійскай гісторыяй.
«Роля Леніна таксама была б цікавай. Таксама я хацеў бы сыграць Распуціна», — адзначыў акцёр.
«Я думаю, што павінна быць больш фільмаў пра расійскую гісторыю. Таму што ў Расіі адбываецца шмат амаль шэкспіраўскіх гісторый… Гэта вельмі інтрыгавальна для акцёра», — сказаў Дзі Капрыа.
Нагадаем, сёлета Дзі Капрыа пяты раз намінаваны на прэмію «Оскар» у катэгорыі «Найлепшы акцёр».
