Менавіта такі пошукавы запыт у інтэрнэце з’яўляецца самым папулярным сярод кітайцаў у дачыненні да Беларусі.

Часопіс Foreign Policy прааналізаваў запыты кітайцаў у пошукавых сістэмах дзеля таго, каб зразумець, што яны думаюць пра краіны Еўропы і Турцыю. Былі выбраныя самыя папулярныя запыты, у якіх сустракаецца назва той ці іншай дзяржавы, і адпаведна з гэтым была зробленая карта.

Так, згодна з гэтай картай, папулярным запытам кітайцаў пра Беларусь з’яўляецца «Чаму яна завецца Беларусь?». Што датычыцца іншых краін, то Расія «любіць ваяваць», Літва «суіцыдальная», Польшча «ненавідзіць Кітай», ва Украіне «прыгожыя жанчыны», а ў Францыі «вельмі шмат чорных людзей». Італія прызнана «вельмі слабай», а Вялікабрытанія, наадварот, «маленькай, але моцнай». Да таго ж у Германіі «забівалі яўрэяў», а ў Даніі «забіваюць кітоў».

Такім чынам, карта з’яўляецца адлюстраваннем распаўсюджаных сярод кітайцаў стэрэатыпаў наконт еўрапейскіх краін і Турцыі, а таксама іх насельніцтва.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Каментатар / Адказаць
02.04.2005 / 16:51
Дык Чайна альбо Кiтай?
0
Каментатар / Адказаць
04.01.1975 / 23:37
"Многа, і ўсе на адзін твар", - наш стэрэатып пра кітайцаў. Хаця, яны і пра нас напэўна думаюць, што ўсе мы на адзін твар.
0
Каментатар / Адказаць
07.04.2012 / 06:12
Нашыя ідэолягі нават ня ведаюць адказу на гэтае пытаньне. Дарэчы, якога этнасу былі Рагвалод і Рагнеда? Швэды, датчане ці ўсё ж славяне, балты?
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру