У інтэрнэт-сэрвісе «Яндэкс.Карты» з'явілася магчымасць выбудоўваць маршруты для пешаходаў, гаворыцца ў блогу «Яндэкса».

«Пакажыце, адкуль і куды вам трэба дабрацца, і Карты пакажуць маршрут, удакладняць яго даўжыню ў кіламетрах і прыкінуць час на дарогу», — гаворыцца ў паведамленні.

Пры задуме прагулкі ўлічваюцца дарожкі і сцежкі, «зебры», лесвіцы, аркі ў сценах будынкаў, а таксама аўтамабільныя дарогі, даступныя для пешаходаў.

Маршруты для пешаходаў працуюць у прыкладаннях «Яндекс.Карт» на платформах iOS і Android, а таксама ў вэб-версіі. Карыстальнікі могуць самі дадаваць на карту не ўказаны там пераход.

Пешаходны рэжым працуе ў Беларусі, Расіі, Украіне і ў Казахстане. Максімальная даўжыня пешаходнага маршруту, які можа зрабіць прыкладанне, складае 50 км.

Раней магчымасць пабудаваць пешаходны маршрут з'явілася ў дадатку Google Maps, аднак там няма абмежаванняў па даўжыні маршруту.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру