Пры выкананні буравых работ на «Беларуськаліі» быў смяротна траўмаваны рабочы. Трагічны выпадак адбыўся 12 ліпеня. Пра гэта распавяла афіцыйны прадстаўнік УСК па Мінскай вобласці Таццяна Беланог.
Загінуў 53-гадовы машыніст горнавыемкавай машыны.
Салігорскі раённы аддзел Следчага камітэта праводзіць праверку. Па папярэдніх дадзеных, прычынай стаў чалавечы фактар — невыкананне тэхнікі бяспекі.
Надзвычайнае здарэнне адбылося на 6-м рудаўпраўленні.
За няпоўныя два месяцы гэта ўжо трэці няшчасны выпадак на прадпрыемстве.
