Фота sk.gov.by.
Вечарам 26 ліпеня ў адным з гандлёвых аб'ектаў Гродна пры пераразліку выручкі работнікі заўважылі купюру ў 20 рублёў з прыкметамі падробкі. Пра гэта паведамляе Следчы камітэт.
Падазроную банкноту канфіскавалі і накіравалі для правядзення экспертных даследаванняў. Спецыялісты Гродзенскага міжраённага аддзела Дзяржаўнага камітэта судовых экспертыз устанавілі, што яе вырабілі ў бытавых умовах з выкарыстаннем капіравальна-размнажальнай тэхнікі.
Асноўныя прыкметы, якія паказваюць на яе падробку:
- неадпаведнасць памеру;
- невыразнасць колераперадачы малюнкаў;
- адсутнасць вадзянога знака;
- несупадзенне выяў лічбаў «20»;
- адсутнасць ўціснутасці або выпукласці паперы;
- невыразнасць дробных элементаў;
- невыразнасць мікратэксту;
- фарба на купюры раствараецца пад уздзеяннем вады.
Заведзена крымінальная справа.
Міліцыя шукае чалавека, які разлічыўся падробленай купюрай.
Першы выпадак падробкі новых беларускіх грошай адбыўся ў сярэдзіне ліпеня ў Глыбокім Віцебскай вобласці. Прычым у абодвух выпадках падраблялі грашовую банкноту вартасцю 20 рублёў.
