Пасля абвяшчэння рашэння Міжнароднага паралімпійскага камітэта (МПК) аб адхіленні зборнай Расіі ад Паралімпійскіх гульняў у Рыа расійскі міністр спорту Віталь Мутко абвясціў, што Расія падасць пазоў у Спартыўны арбітражны суд (CAS) у Лазане.
«Мы падаём пазоў у CAS. Мы будзем змагацца за сваіх паралімпійцаў», — прыводзіць ТАСС словы Мутко.
«Я павінен пачытаць, на чым заснавана гэтае рашэнне. У маім разуменні гэта ўжо за межамі здаровага сэнсу», — заявіў ён.
