У ходзе трохдзённых вучэнняў Паўночнага флота расійскія вайскоўцы цалкам замаскіруюць адзін з найбуйнейшых гарадоў Мурманскай вобласці Севераморск, піша ТАСС.

Фота: voenpro.ru

Горад быў абраны не выпадкова: тут знаходзіцца галоўная база Паўночнага флота Расеі. Маракі ўжывуць стацыянарныя і рухомыя сістэмы дымапуску на тэрыторыі вайсковых аб'ектаў паўночнамарскога гарнізона.

Ваенныя маракі запэўнілі, што запланаваныя да ўжывання ў ходзе вучэнняў дымавыя сумесі нейтральныя і не ўяўляюць пагрозы здароўю чалавека. Адзінае, пах у сумесяў не самы прыемны, але ён будзе хутка выветрывацца.

У вучэннях будуць задзейнічаны дымапускавыя разлікі асобнай роты радыяцыйнай, хімічнай і бактэрыялагічнай абароны флоту.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру