У 2014 годзе Нарвегія пачала ствараць першы ў свеце выключна жаночы атрад спецыяльнага прызначэння — пасля досведу, атрыманага падчас баёў у Афганістане.

Тут і ніжэй фота: taskandpurpose.com

Нарвежскае спецпадраздзяленне (Forsvarets Spesialkommando, FSK) грала важную ролю ў антытэрарыстычных аперацыях у Афганістане, часта супрацоўнічаючы з амерыканскімі армейскімі камандас з атрада «Дэльта» і камандас ВМС.

Аднак заходнія жаўнеры патрапілі ў культуру, дзе жанчынам можна размаўляць амаль выключна з мужчынамі-сваякамі.

«Паклікаць на службу жанчын было аператыўнай неабходнасцю», — сказаў афіцэр нарвежскіх падраздзяленняў спецпрызначэння Відар Крогсэтэр у інтэрв'ю foreignaffairs.com.

Новае падраздзяленне назвалі Jegertroppen — «Паляўнічы атрад».

Каб патрапіць у шэрагі Jegertroppen, трэба прайсці шэраг вельмі цяжкіх выпрабаванняў, курс контртэрарызму, падрыхтоўкі для гарадскіх баёў, парашутнай падрыхтоўкі, курс выжывання ў розных кліматычных зонах, у тым ліку ў Арктыцы.

Толькі 13 з 317 кандыдатак прайшлі курс падрыхтоўкі ў 2014 годзе і прыкладна столькі ж — у 2015. Такім чынам, атрад налічвае за два гады менш за 30 чалавек, і яго стварэнне працягваецца.

Цяпер у нарвежскіх Узброеных сілах каля 10% служачых — жанчыны.

У 2015 годзе краіна першай у НАТА прыняла закон пра прызыў для ўсяго насельніцтва - як мужчын, гэтак і жанчын.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру