Адпраўка ўсіх гуманітарных канвояў у Сірыю прыпыненая, заявілі ў ААН. Рашэнне было прынята пасля таго, як пад Алепа трапіла пад авіяўдар аўтакалона з гуманітарнай дапамогай, што накіроўвалася ў раён, які ўтрымліваецца паўстанцамі.

Па словах прадстаўніка ААН, пра гэта ўжо праінфармаваныя Расія і ЗША.

Сірыйскія антыўрадавыя актывісты заявілі, што ўдар нанеслі сірыйскія або расійскія вайсковыя самалёты.

Паводле непацверджаных звестак, у выніку авіяналёту загінулі 12 чалавек, у тым ліку прадстаўнік сірыйскага аддзялення Міжнароднага Чырвонага Паўмесяца.

У Алепа накіроўваўся 31 грузавік, 18 былі пашкоджаныя з-за абстрэлу. Калона была арганізавана ААН і сірыйскім аддзяленнем Чырвонага Паўмесяца.

Гуманітарны канвой павінен быў даставіць мясцовым жыхарам пшаніцу, цёплую вопратку і медыкаменты.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру