У Беларусі дазволена арганізаваць бясплатны доступ да Wi-Fi у грамадскім транспарце. Гэта прадугледжана пастановай міністэрства сувязі і інфарматызацыі ад 29 жніўня 2016 года №13, апублікаванай на Нацыянальным прававым інтэрнэт-партале.

Раней Дзяржаўная камісія па радыёчастотах зацвердзіла пастанову аб унясенні змяненняў у пералік радыёэлектронных сродкаў і высокачастотных прылад, што дазволіла стварыць аснову для паўсюднага распаўсюду Wi-Fi.

Міністр сувязі і інфарматызацыі Сяргей Папкоў заявіў, што Wi-Fi стане даступны толькі пасля таго, як транспартныя кампаніі, якія займаюцца перавозкамі пасажыраў, знойдуць шляхі супрацоўніцтва з арганізацыямі, якія аказваюць паслугі сувязі. Тое ж самае тычыцца і метрапалітэна. Аператары сувязі ўжо гатовыя пайсці на супрацоўніцтва і развіваць гэты кірунак. Таксама міністр адзначыў, што прыватныя транспартныя кампаніі для прыцягнення кліентаў могуць актыўна займацца укараненнем Wi-Fi.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру