Кампанія GoPro, вядомая воданепранікальнымі экшн-камерамі, выпусціла новую лінейку камер Hero 5 Black, Hero 5 Session і дрон Karma ўласнай распрацоўкі.
GoPro Hero 5 Black цяпер абсталявана 12-мегапіксельнай камерай і 2-цалевым сэнсарным дысплеем. З'явілася магчымасць запісу відэа з разрозненнем 4К пры 30 кадрах у секунду, здымкі ў RAW і кіравання голасам. У камеры усталяваны модуль GPS, і без дадатковага чахла яе можна апускаць у ваду на глыбіню дзесяць метраў.
Распрацоўшчыкі абяцаюць палепшаны запіс гуку, які дазволіць запісваць у добрай якасці гук як на канцэрце, так і пад вадой. У плане дызайну, акрамя адсутнасці чахла і з'яўлення дысплэю, распрацоўшчыкі прыбралі адну з кнопак. Уключэнне, запіс і змена рэжымаў кіруецца адной кнопкай зверху камеры.
Самым унікальным новаўвядзеннем з'яўляецца галасавое кіраванне. Камера будзе распазнаваць англійскую, нямецкую, французcкую, італьянскую, іспанскую, японскую і кітайскую мовы.
Таксама камера мае новую тэхналогію стабілізацыі відэа. Праграмнае забеспячэнне можа вырабляць больш плаўнае відэа захопу, чым папярэднія мадэлі.
Кошт GoPro Hero 5 Black — 430 еўра.
GoPro Hero 5 Session — больш мініяцюрны варыянт экшн-камеры GoPro. Яна мае кубічную форму і 10-мегапіксельны сэнсар. Магчымасці здымкі відэа амаль аналагічныя Hero5 Black. Прысутнічае кіраванне голасам і традыцыйная абарона ад вады. Вялікім адрозненнем ад свайго «вялікага» аналагу з'яўляецца поўна адсутнасць экранаў у Hero 5 Session. Кошт мініяцюрнай версіі — 330 еўра.
Больш увагі кампанія «GoPro сабрала вакол сябе стварэннем уласнага дрона Karma. Перш за ўсё новы дрон уражвае сваім коштам — 870 еўра. Некалькі дзён таму кампанія выпусціла відэаролік, дзе распавяла пра магчымасці дрона:
Дрон ад GoPro можа лётаць на вышыні да 120 метраў і адлегласці каля 300 метраў, адрозніваецца кампактнымі памерамі, а дзякуючы складаным крылам яго можна пакласці ў спецыяльны заплечнік. Кіруецца «Karma» з дапамогай кантролера, які нагадвае геймпад. Акрамя фізічных кнопак у яго ёсць сэнсарны экран: задаць квадракоптэру маршрут можна націснуўшы пальцам на месца прызначэння на экране. Быць у паветры «Karma» можа 20 хвілін.
Дрон з'явіцца ў продажы ў канцы кастрычніка.
