Расія накіруе ў Міжземнае мора авіяносны крэйсер «Адмірал Кузняцоў», паведаміў міністр абароны Расіі Сяргей Шайгу.

ria.ru

Паводле яго слоў, цяпер у расійскую групоўку ва ўсходняй частцы Міжземнага мора ўваходзяць не менш за шэсць баявых караблёў і тры-чатыры судны забеспячэння са складу ўсіх флатоў.

«Для нарошчвання баявых магчымасцяў у групоўцы плануем ўключыць у яе склад карабельную авіяносную групу з крэйсерам «Адмірал Кузняцоў», — заявіў Шайгу.

Шайгу нагадаў, што пастаянная прысутнасць расійскіх ВМФ ва ўсходняй частцы Міжземнамор'я была адноўлена ў 2013 годзе.

Інтэрфакс са спасылкай на крыніцы паведамляе, што крэйсер адправіцца ў Міжземнае мора ў сярэдзіне кастрычніка. Паход, па дадзеных агенцтва, будзе доўжыцца ад чатырох да пяці месяцаў.

«Адмірал Кузняцоў» — адзіны расійскі авіяносец, які знаходзіцца ў страі.

Раней кіраўнік думскага камітэта па абароне, былы камандуючы Чарнаморскім флотам РФ адмірал Уладзімір Камаедаў заявіў, што авіяносец можа быць задзейнічаны ў ваеннай аперацыі ў Сірыі, перадае Інтэрфакс.

У кастрычніку мінулага года Расія наносіла ўдары па аб'ектах у Сірыі з дапамогай чатырох ракетных караблёў з Каспійскага мора.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру