Віцэ-прэзідэнт ЗША Джо Байдэн заклікаў прэзідэнта Украіны Пятра Парашэнку актыўней праводзіць палітычныя і эканамічныя рэформы, інакш ёсць рызыка, што некаторыя краіны Еўрасаюза здымуць санкцыі з РФ.
Reuters.com
Пра гэта Байдэн сказаў у сераду падчас выступу ў Радзе па міжнародных адносінах у Нью-Ёрку, перадае Reuters.
«Мы ведаем, што калі яны [украінцы] дадуць нагоду ЕС, з'явіцца, прынамсі, пяць краін, якія проста зараз могуць сказаць: «Мы хочам «выйсці» з санкцый супраць Масквы», — заявіў Байдэн.
Віцэ-прэзідэнт ЗША паведаміў, што з пачатку крызісу, ён кожны тыдзень-два размаўляе па тэлефоне з украінскім кіраўніцтвам, заклікаючы настойлівей праводзіць рэформы, а таксама «праціскае» ў Нямеччыне, Францыі і Італіі ідэю не адмяняць санкцыі.
Таксама, па словах Байдэна, на фоне крызісу ў Еўропе, выкліканым наплывам мігрантаў і Brexit, ён папярэдзіў Парашэнку аб неабходнасці выканання мінскіх пагадненняў, каб не дапусціць абвінавачванняў у іх правале.
