Юрась Губарэвіч і Алесь Лагвінец. Фота Мікіты Недаверкава
Устаноўчы з'езд руху прайшоў 20 траўня 2007 года ў Гродне. Грамадскую арганізацыю атрымалася зарэгістраваць толькі з чацвёртага раза 17 снежня 2008 года.
69-гадовы Мілінкевіч заяўляў, што не будзе ў чарговы раз выстаўляць сваю кандыдатуру на пасаду старшыні арганізацыі. У той жа час пра свае амбіцыі на лідарства ў арганізацыі паведамлялі яго намеснікі 38-гадовы Юрась Губарэвіч і 42-гадовы Алесь Лагвінец.
За некалькі дзён да канферэнцыі Лагвінец выступіў з прапановай увесці сустаршынства ў арганізацыі, каб выключыць магчымасць расколу ў руху. Аднак Губарэвіч заявіў, што гэта з'яўляецца «слабай прапановай», якая не пойдзе на карысць арганізацыі.
Падчас справаздачна-выбарчай канферэнцыі таксама будуць заслуханы справаздачы кіраўніцтва аб дзейнасьці руху.
У адпаведнасці са статутам задачамі арганізацыі з'яўляюцца:
- садзейнічанне пабудове грамадзянскай супольнасці і прававой дзяржавы, зацвярджэнне прынцыпаў свабоды, дэмакратыі і правоў чалавека;
- садзейнічанне забеспячэнню незалежнасці і суверэнітэту Рэспублікі Беларусь, павышэнню яе міжнароднага аўтарытэту;
- садзейнічанне стварэнню ўмоваў для правядзення ў Беларусі ўсеагульных, свабодных і роўных выбараў прэзідэнта, дэпутатаў у адпаведнасці з міжнароднымі стандартамі.
