Напрыканцы Міхалок выйшаў на сцэну з сынам Макарам і скончыў канцэрт словамi: «І хай усё, што не сказана, вы прачытаеце ў нашых вачах».

Гурту Brutto ўпершыню дазволілі выступіць у Беларусі. З 2010 года франтмен калектыва Сяргей Міхалок знаходзіўся ў неафіцыйным «чорным спісе» і не мог спяваць у Беларусі. У выніку ў маі 2015 года ён атрымаў від на жыхарства ва Украіне.

На канцэрт у Гомелі 29 кастрычніка прадалі 3000 білетаў. Яны каштавалі ад 32 да 75 рублёў.

Brutto паказаў сваю новую праграму Double Hot, у якую ўвайшлі трэкі з альбомаў «Родны край» і Underdog, а таксама ўлюбёныя песні «Ляпісаў» за апошнія дзесяць гадоў. 

Вось поўнае відэа канцэрта:

Сярод апошніх на канцэрце прагучаў Маніфест: «Это мой кандидатский сценарий, слушай буржуй, слушай пролетарий…»

Пасля канцэрту.

На канцэрт прыехалі фанаты BRUTTO з Украіны. Цікава, ці спрабавалі праваахоўнікі забіраць у іх дзяржаўныя сцягі брацкай суседняй краіны?

20:15

Атмасфера вельмі цёплая і разняволеная. Гледачы адрываюцца, мiлiцыя i цiхары нервова паглядаюць.

Штатныя аператары спецслужбаў вядуць здымку амаль у поўнай цемры.

20:10

Сяргея Міхалка на канцэрце падтрымліваюць яго жонка актрыса Святлана Зелянкоўская і іх сын Макар.

20:00

Канцэрт пачынаецца.

19:50

Сярод гледачоў — палітык Таццяна Караткевіч.

19:30

Гэтыя хлопцы не захацелі раскрываць, як ім удалося пранесці сцяг. Ім таксама зрабілі заўвагу, але не забралі.

19:20

Гуркоў прадставіў журналістам самых адданых фанатаў. Сярод іх дзяўчына ў байцы з сімволікай гурту і хлопец-фанат, які набіў сабе тату ў гонар BRUTTO.

19:05

Віталь Гуркоў, баксёр і музыкант BRUTTO, патлумачыў «Нашай Ніве»: «Iдэолагi выставiлi умову, каб канцэрт не пераўтвараўся ў палітычную акцыю. Для гэтага на канцэрце не павiнна быць бел-чырвона-белых сцягоў».

18:50

Людзям у чарзе прапануюць БЧБ-сцягі ці здаць ў камеру захоўвання рэчаў, ці памяняць на сцяг BRUTTO.

18:45

Фота: instagram.com/artyom_shevtsov/

Гледачоў з БЧБ-сцягамі не прапускаюць. Людзі ператэлефаноўваюцца і раяць, як лепш схаваць сцяг.

18:30

Абстаноўка ля Лядовага палаца напружаная. Шмат АМАПа. Шмат людзей ў штацкім. Дворнічыхі падыходзілі, пыталіся хто ж прыехаў, калі іх выклікалі ўсіх на працу ў выходны дзень. 

Прэсу пакуль не пускаюць.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру