Беларуска-украінскі панк-рок гурт BRUTTO 29 кастрычніка ўпершыню выходзіць на беларускую сцену. На канцэрце ў Гомелі аншлаг.
Ля увахода ў Лядовы палац гледачы сутыкнуліся з жорсткім кардонам міліцыі і людзей ў цывільным. Гледачоў з БЧБ-сцягамі напачатку проста не прапускалі, потым прапанавалі здаваць іх у камеру захоўвання рэчаў або абмяняць на ўваходзе на сцягі з сімволікай BRUTTO.
Віталь Гуркоў, баксёр і музыкант BRUTTO, патлумачыў «Нашай Ніве»: «Iдэолагi выставiлi умову, каб канцэрт не пераўтвараўся у палiтычную акцыю. Для гэтага на канцэрце не павiнна быць бел-чырвона-белых сцягоў».
А гэтыя хлопцы пранеслі сцяг у залю, але не захацелі раскрываць, як ім гэта ўдалося.
А гэты фотаздымак зроблены ўжо пасля канцэрту:
