Вынікі і праекцыі «Нью-Ёрк таймс» чытай тут.

Анлайн Ройтэрз з падліку галасоў чытай тут.

Анлайн-звесткі Politico.com пра колькасць атрыманых галасоў чытай тут.

У выпадку перамогі Хілары Клінтан магла б стаць першай прэзідэнткай ЗША ў гісторыі. Фота Ройтэрз.

Сістэма выбараў прэзідэнта ў ЗША адрозніваецца ад сістэмы выбараў скажам, у Францыі. Яна ў свой час была прыдуманая для ўмацавання федэратыўнай сістэмы, каб не ўзнікла дамінацыі вялікіх штатаў над малымі. Таму прэзідэнта абіраюць не прамым галасаваннем, а праз калегію выбаршчыкаў.

Кожны штат выбірае пэўную колькасць выбаршчыкаў. Самы густанаселены — Каліфорнія — пасылае іх 55. Самыя маланаселеныя — па 3. Такім чынам, малыя штаты пасылаюць на душу насельніцтва трохі больш дэлегатаў, чым вялікія.

Акрамя таго, у сілу традыцыі большасць штатаў пасылаюць выбаршчыкаў па прынцыпе «winner takes all» — г.зн. усе выбаршчыкі ад дадзенага штата галасуюць за таго кандыдата, які набраў у ім большасць галасоў.

Змена ўсеагульных рэйтынгаў Клінтан і Трампа на сёлетніх выбарах значыць не так шмат, як іх папулярнасць у дзясятку «нявызначаных штатаў».

Каліфорнія масава галасуе за дэмакратаў, і не мае вялікага значэння, атрымае там Клінтан 60 ці 65%. Гэтаксама Тэхас галасуе за рэспубліканцаў, і не так важна, атрымае там Трамп 51 ці 52%. У кожным разе ўсе выбаршчыкі ад Каліфорніі паедуць за Клінтан, а ўсе ад Тэхаса — за мільярдэра.

А вось Фларыда, Паўночная Караліна і некалькі меншых штатаў, як Нью-Гэмпшыр, вырашаць лёс выбараў.

Партал палітычнага аналізу Realclearpolitics: сінія штаты дадуць вялікую перавагу Клінтан, блакітныя прагаласуюць за яе з меншай перавагай. Чырвоныя прагаласуюць за Трампа, ружовыя аддадуць яму перавагу. А вынік выбараў вызначаць штаты, зафарбаваныя шэрым. Там розніца між кандыдатамі складае менш за 5% галасоў.

9:45

У Клінтан — 215.

У Трампа — 264.

8:50

У Клінтан — 215.

У Трампа — 244.

8:20

У Клінтан — 209.

У Трампа — 238.

7:40

У Клінтан — 209.

У Трампа — 216.

6:56

Трамп павялічыў адрыў да 197 супраць 131, паведамляе Вашынгтон Пост.

6:46

Трамп наперадзе — 168 супраць 109.

6:30

Трамп павялічвае адрыў — 150 супраць 109.

05:40

Трамп зноў вырваўся наперад — 137 супраць 104.

04:44

Па стане на 04:44 Клінтан апярэджвае Трампа з вынікам 68:66. Трамп перамог у Алабаме, Тэнэсі, Паўночнай Дакоце.

Клінтан перамагае ў Ілінойсе, Місуры і Агаё.

02:55

Па дадзеных The Washington Post, Трамп перамог у Кентукі, Індыяне, Заходняй Віржыніі (24 галасы калегіі выбаршчыкаў: 11+8+5).

Клінтан перамагае ў Нью-Гемпшыры (тры галасы калегіі выбаршчыкаў).

Звесткі па Фларыдзе мяняюцца кожныя пяць хвілін.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру