Інтэрнэт-суполка «Твой Мінск» апублікавала навіну пра прыход расійскага брэнду адзення «Nikifilini» ў Мінск. Суполка адзначыла, што ў Расіі гэтыя світшоты карыстаюцца шалёным попытам, вырабляюць іх на мясцовых вытворчасцях, а не ў Кітаі, таму іх якасць вельмі высокая.
У якасці фота быў абраны світшот «Mister Putin», продажам якіх і займаецца «Nikifilini».
У каментарах людзі абурыліся, што байкі з «самым ветлівым» чалавекам будуць прадавацца ў Беларусі. «Што яшчэ можна чакаць ад «высокадухоўных»? Правільна, захапленне дыктатарам», — напісаў карыстальнік «eraserhead37» у каментарах да навіны.
Збольшасці брэнд вырабляе сучасную моладзевую вопратку з каляровымі прынтамі, але байка з Пуціным прыцягнула да сябе ўвагу. Хутчэй за ўсё, гэта быў піяр-ход для прыцягнення ўвагі. Але ў каментарах да таго ж фота карыстальнік «neskychni_sadik» адзначыў: «Я думаю, што з такімі малюнкамі вам не доўга прапрацаваць у Беларусі. Пахабна».
Але, акрамя байкі, у продажы ёсць і майка з аналагічнай выявай:
Сама кампанія называе адзенне з выявай Пуціна самым хадавым таварам.
Як вы ставіцеся да таго, каб у Беларусі прадавалі рэчы з прэзідэнтамі іншых краін? Выказвайцеся ў каментарах!
