Аляксандр Лукашэнка падпісаў указ «Аб пенсійным забеспячэнні грамадзян, якія пацярпелі ў выніку акту тэрарызму». Прыняты ўказ дазволіць павялічыць памеры пенсій грамадзянам, якія сталі інвалідамі з прычыны акту тэрарызму. Пра гэта паведамляе прэс-служба прэзідэнта Беларусі.
«Дакумент накіраваны на ўзмацненне сацыяльнай абароны грамадзян, якім устаноўлена інваліднасць прычыны цялесных пашкоджанняў, атрыманых непасрэдна ў выніку акту тэрарызму, які адбыўся 11 красавіка 2011 года ў Мінску на станцыі метро «Кастрычніцкая», — гаворыцца ў паведамленні. Адзначаецца, што прыняты ўказ дазволіць павялічыць памеры пенсій грамадзянам, якія сталі інвалідамі з прычыны акту тэрарызму.
Указам устаноўлены асаблівы парадак прызначэння і пераразліку пенсій пацярпелым. Прызначэнне такіх пенсій будзе ажыццяўляцца зыходзячы з заробку, вызначанага за апошнія 12 месяцаў працы, якія папярэднічалі акту тэрарызму, з улікам паказчыка ступені страты прафесійнай працаздольнасці (замест устаноўленай групы інваліднасці).
Будзе таксама забяспечвацца штомесячны пераразлік названых пенсій у сувязі з ростам у Беларусі сярэдняга заробку.
