Прэзідэнт Таджыкістана Эмамалі Рахмон падпісаў указ аб прызначэнні аднаго са сваіх дзевяці дзяцей, старэйшага сына Рустама Эмамалі, мэрам Душанбэ, паведамляе ВВС.
president.tj
Да гэтага 28-гадовы Рустам Эмамалі, які з'яўляецца самым маладым генералам на прасторы СНД, узначальваў антыкарупцыйнае агенцтва Таджыкістана.
Ён зойме месца 64-гадовага Махмадсаіда Убайдулоева, бліжэйшага паплечніка ў асяроддзі прэзідэнта.
Для дзяржаў Цэнтральнай Азіі прызначэнне на важныя дзяржаўныя пасады дзяцей і сваякоў высокапастаўленых чыноўнікаў становіцца традыцыяй. Таджыкістан у гэтым сэнсе не з'яўляецца выключэннем.
0
0
0
0
0
0
