У Гродзенскай вобласці побач са школай аўтамабіль збіў трэцякласніцу: дзяўчынка ў рэанімацыі 8

ДТЗ з удзелам дзіцяці адбылося раніцай 16 студзеня каля школы на вуліцы Кірава ў вёсцы Азёры. Пра гэта паведамілі ў ДАІ Гродна.

Паводле папярэдняй інфармацыі, дзяўчынка, вучаніца 3-га класа, не паглядзела па баках і пачала перабягаць дарогу па-за пешаходным пераходам. Кіроўца Audi не паспеў зрэагаваць на сілуэт, які раптам з'явіўся на дарозе, і збіў дзіця.

У ДАІ выказалі здагадку, што ўвагу дзяўчынкі прыцягнулі вароты школы, прызначаныя для праезду аўтамабільнага транспарту. Яны былі адкрыты і знаходзіліся бліжэй, чым брамка.

У выніку ДТЗ дзіця атрымала цяжкія траўмы і было дастаўлена ў рэанімацыйнае аддзяленне бальніцы.

auto.tut.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ