Найбольшым попытам сярод беларускіх пакупнікоў у 2016 годзе карысталіся аўтамабілі французскай маркі Renault. Пра гэта паведамляе расійскае аналітычнае агенцтва «Аўтастат».
Летась у Беларусі купілі 33,6 тысячы новых аўтамабіляў — гэта на 33% менш, чым у 2015-м. Машыны кампаніі Renault займаюць чацвёртую частку рынку. У абсалютных лічбах гэта 8,5 тысячы прададзеных аўто.
Другой па папулярнасці маркай у жыхароў Беларусі стала кампанія Volkswagen — 5100 прададзеных аўто.
Тройку лідараў замыкае расійская марка LADA. Летась у нашай краіне прададзена 2400 такіх машын.
Услед ідуць Skoda і Nissan (па 2,2 тысячы).
Акрамя іх, у топ-10 беларускага рынку сярод марак па выніках 2016 года патрапілі: Hyundai (2 тысячы) і KIA (1,9 тысячы), японская Toyota (1,4 тысячы), расійскі GAZ (1,1 тысячы) і кітайскі Geely (0,8 тысячы).
