Беларускі канцэрн «Планар» сумесна з кардыяхірургамі вядзе распрацоўку вытворчасці біялагічнага штучнага сардэчнага клапана. Пра гэта паведаміў сёння журналістам дырэктар ААТ «Завод «Электронмаш» Алег Гарэцкі.

«Выкарыстанне біялагічнага сардэчнага клапана дасць магчымасць пацыентам адысці ад пэўнай медыкаментознай залежнасці, якая існуе пры выкарыстанні механічнага, — падкрэсліў дырэктар. — Гэта істотна палепшыць якасць жыцця чалавека».

Цяпер канцэрн вырабляе каля 1 тыс. механічных клапанаў штогод. Якасць беларускага медыцынскага імплантата пацверджана не толькі айчыннымі, але і замежнымі кардыяхірургамі. Выраб пастаянна ўдасканальваецца і мадыфікуецца. У планах да канца 2018 года прайсці сертыфікацыю прадукцыі ў краінах Еўрапейскага саюза і атрымаць маркіроўку CE, што дасць магчымасць выйсці на еўрапейскі рынак.

Навукова-вытворчы холдынг дакладнага машынабудавання «Планар» — адзіны навукова-тэхнічны комплекс прадпрыемстваў, які на базе самых сучасных тэхналогій і сінтэзу апошніх дасягненняў навукі і тэхнікі ў розных галінах ведаў распрацоўвае і вырабляе самае складанае оптыка-механічнае, кантрольна-вымяральнае і зборачнае абсталяванне для мікраэлектронікі.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру