Знос будынкаў на інвестыцыйнай пляцоўцы (у раёне былой 2 гарадской бальніцы) у Мінску плануецца завяршыць у лістападзе-снежні. Для выставачнага павільёна «Белэкспа» падбіраецца іншая пляцоўка, паведаміў журналістам намеснік старшыні Мінскага гарвыканкама Віктар Лапцеў, перадае БЕЛТА.
«Знос завяршаецца ў лістападзе-снежні. Пакуль нельга сказаць, што мы знайшлі ўчастак для павільёна «Белэкспа». Пытанне ў фінансаванні, раней разглядалася пляцоўка ў раёне вул. Кіжаватава — Каржанеўскага. Ёсць праектная дакументацыя па дадзеным аб'екце, разглядаецца магчымасць прыцягнення інвестараў. Тэма актыўна абмяркоўваецца», — сказаў Віктар Лапцеў.
Праца вядзецца сумесна з БелГПП, рэспубліканскімі арганізацыямі.
Інвестыцыйны дагавор на забудову тэрыторыі былой другой гарадской бальніцы заключаны ў канцы 2016 года, праект павінен завяршыцца да 2021 года. Інвестар — кампанія з ААЭ. На гэтым месцы будзе пабудаваны гандлёва-забаўляльны цэнтр з гасцініцай, плоскасцевай аўтастаянкай, падземным паркінгам.
Глядзіце таксама: «Прачытала навіну пра знос БелЭКСПА ля Свіслачы, і такая злосць заняла, што не магу маўчаць»
