Днямі ў інтэрнэце з'явілася відэа канфлікту паміж кантралёрам і пасажыркай. На запісы відаць, як жанчына ляжыць на зямлі, у руках у яе торбачка, за ручкі якой цягне рэвізор. У «Мінсктрансе» патлумачылі: кантралёр дзейнічаў па інструкцыі і да прыезду міліцыі утрымліваў безбілетніцу.
У арганізацыі лічаць: відэа, якое з'явілася ў сеціве, адлюстроўвае канфлікт толькі часткова. Арганізацыя дала TUT.BY відэа з рэгістратара правяраючага: тут здарэнне ад пачатку і да канца.
Канфлікт адбыўся 16 лютага на 88-м аўтобусным маршруце. На вуліцы Убарэвіча ў транспарт зайшлі рэвізоры і выявілі дзвюх безбілетніц. Жанчын папрасілі выйсці на наступным прыпынку, тыя пагадзіліся. Пазней, паведамляюць у «Мінсктрансе», высветлілася, што ў адной з іх няма дакументаў, плаціць штраф яна адмовілася.
Як вы ставіцеся да такой сітуацыі? Як вырашаецца праблема безбілетнікаў у іншых краінах? Пішыце ў каментах.
