Сёння ў Гомельскім абласным судзе вынесены прысуд Аляксандру Шэштакаўскасу, які засек сякерай сваю былую каханую, 19-гадовую навучэнку Гомельскага медыцынскага каледжа Насту Бадунову. Маладому чалавеку далі 20 гадоў калоніі ўзмоцненага рэжыму.
Трагедыя адбылася 30 жніўня 2016 года ў адной з кватэр пяціпавярховіка на вуліцы Малайчука ў Гомелі. Паміж маладымі людзьмі распачалася сварка, хлопец схапіў сякеру і нанёс дзяўчыне не менш за 30 удараў.
Яшчэ на першым судовым пасяджэнні абвінавачаны прызнаў сваю віну. У ходзе далейшых судовых разглядаў былі дапытаныя сведкі — участковы і супрацоўнікі аховы, што прыбылі на месца здарэння першымі, дактары, малады чалавек загінулай, яе сяброўка і прыяцель абвінавачанага. Траім апошнім, а таксама маці забітай дзяўчыны адразу пасля таго, што адбылося з дапамогай СМС-паведамленняў і званкоў Шэштакаўскас паведаміў, што Насці больш няма.
Маці і дзядзька Аляксандра Шэштакаўскаса, якія знаходзіліся ў момант здзяйснення забойства ў гэтай жа кватэры, адмовіліся ад дачы паказанняў.
На перадапошнім судовым пасяджэнні адбыўся агляд рэчавых доказаў, канфіскаваных на месцы злачынства. Сярод іх — асабістыя рэчы забойцы і яго ахвяры, прылада забойства — сякера, а таксама некалькі запісак, якія Аляксандр адрасаваў Насці. У іх - прызнанні ў каханні, безвыходнасць і маленні вярнуць адносіны.
Дзяржабвінаваўца кваліфікаваў дзеянне Шэштакаўскаса як забойства, здзейсненае з асаблівай жорсткасцю і запытаў для яго 18 гадоў калоніі ўзмоцненага рэжыму.
Бацькі забітай папрасілі пакараць абвінавачанага больш строга і даць яму 25 гадоў турмы.
На апошнім слове хлопец прасіў у іх прабачэнне за зробленае і сказаў, што забітая Насця прыходзіць да яго ў снах.
Сёння суд прызнаў Аляксандра Шэстакаўскаса вінаватым у здзяйсненні наўмыснага забойства з асаблівай жорсткасцю. Маладому чалавеку далі 20 гадоў калоніі ўзмоцненага рэжыму. Акрамя гэтага, суд вынес рашэнне аб выплаце пацярпеламу боку маральнай шкоды ў суме 100 тысяч рублёў. Прысуд у законную сілу не ўступіў і можа быць абскарджаны.
