Тут і ніжэй фота: Tvoeinfo
Мікрааўтобус, гружаны балонамі з ацэтыленам, загарэўся, а затым выбухнуў сёння ля будынка польскага МЗС у Варшаве, перадаюць інфармагенцтвы. З навакольных будынкаў эвакуявалі звыш за 350 чалавек. У бальніцу дастаўленыя два чалавекі — супрацоўнікі кампаніі, якой належаў аўтамабіль.
Меркавалася, што груз будзе дастаўлены ў адну з бальніц. Аднак, па не вядомых пакуль прычынах, аўтамабіль загарэўся каля ўезду ў падземны паркінг. Каністры пачалі выбухаць, таму да іх не маглі падабрацца пажарныя, якія заняліся эвакуацыяй. Гэта працягвалася каля 10 хвілін. Да месца здарэння прыбылі 25 пажарных, таксама былі перакрытыя вуліцы і падыходы да паркінгу.
Пажар удалося лакалізаваць і патушыць.
