Людзі павінны самі шукаць працу, але дзяржаве неабходна дапамагчы ім. Аб гэтым Аляксандр Лукашэнка заявіў сёння ў час рабочай паездкі ў Гродзенскую вобласць

Кіраўнік дзяржавы канкрэтызаваў сваё даручэнне разабрацца да мая з працаўладкаваннем беспрацоўных грамадзян. «Калі я казаў, што на 1 мая трэба, каб усе працавалі, я меў на ўвазе, што вы павінны ім прапанаваць працу», — растлумачыў ён. Напрыклад, цяпер прыйшоў час вясновых палявых работ, значыць, можна сфармаваць брыгады, якія б працавалі ў сельгаспрадпрыемствах. Пры гэтым трэба стварыць усе неабходныя ўмовы для правільнай арганізацыі працы.

Разам з тым, падкрэсліў кіраўнік краіны, неабходна працягнуць стварэнне новых працоўных месцаў на дзеючых і новых прадпрыемствах, пры неабходнасці навучаць людзей новым спецыяльнасцям. «Чалавек не павінен у адзіночку шукаць гэтую працу, хоць, вядома, гэта яго справа. Але сітуацыя, калі мы таксама не дапрацоўвалі ў плане занятасці людзей, насцярожвае, і з гэтага трэба рабіць высновы. Таму я і сказаў, што на 1 мая ў асноўным трэба людзей задзейнічаць, - адзначыў Аляксандр Лукашэнка. - Мы павінны дапамагчы людзям знайсці працу. Таму вось так трэба разумець: прапанаваць чалавеку працаваць, задзейнічаць яго ўсюды».

Кіраўнік дзяржавы растлумачыў і патрабаванне не звальняць людзей без узгаднення з мясцовымі органамі ўлады: «Нельга выкідаць людзей дзеля павелічэння заработнай платы. Куды гэты чалавек пойдзе? Трэба ж вызначыцца». Гэта значыць, калі на прадпрыемстве скарачаюць некалькі чалавек, кіраўнікі вытворчасці разам з органамі ўлады павінны вырашыць, куды іх працаўладкаваць.

Аляксандр Лукашэнка таксама пацікавіўся узроўнем заработнай платы ў Гродзенскай вобласці і яшчэ раз нагадаў аб сваім даручэнні выйсці на сярэдні ўзровень аплаты працы па краіне ў эквіваленце $ 500. «Калі Гродна не атрымае, што тады з Магілёва патрабаваць? Нам трэба людзям даць гэту зарплату, каб яна па краіне была сярэдняя. Гэта жалезабетонна трэба зрабіць», — заявіў ён.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру