Цікавую гісторыю распавёў у сваім фэйсбуку журналіст Еўрарадыё Алесь Пілецкі.

Фота Сяргея Гудзіліна

Аб тым, што Статкевіч дома, я даведаўся каля 9-й гадзіны ад рэдактара, калі ехаў на працу ў метро. Дазваніцца да Марыны Адамовіч атрымалася не адразу, толькі з рэдакцыі. Выклікаў таксоўку, прыехала кіроўца-жанчына:

— Вы па працы кудысьці едзеце? Тут працуеце дзесьці?

— Так, тут. На Еўрарадыё.

— А, журналіст. Цяпер такія падзеі ў краіне адбываюцца. Але вам жа нельга пра іх распавядаць.

— Нам можна. Мы пра ўсё расказваем.

— І пра тое, што Статкевіч прапаў можаце таксама расказаць? Што яго выкралі і зусім невядома, што з ім здарылася?

— Можам. Вы мяне зараз да яго якраз везяце. Знайшоўся Статкевіч. Раніцай прыехаў дадому да жонкі.

— Да Статкевіча??? Вы не жартуеце?

— Не. Я еду запісаць аповед пра яго прыгоды.

— Слухайце, а давайце я вас пачакаю каля яго дома, можна? Вы як пагаворыце, то сядайце да мяне і назад паедзем у цэнтр. Распаведзяце, як ён.

— Добра.

Таксоўка чакала мяне амаль гадзіну )

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру