13-14 красавіка ў Бішкеку плануецца правядзенне чарговага пасяджэння Вышэйшага Еўразійскага эканамічнага савета. Пра гэта паведамляе прэс-служба прэзідэнта Кыргызстана.
У пасяджэнні чакаецца ўдзел прэзідэнтаў Арменіі, Беларусі, Казахстана, Кыргызстана і Расіі.
Нагадаем, папярэдняя сустрэча кіраўнікоў дзяржаў ЕАЭС адбылася 26 снежня ў Санкт-Пецярбургу. Аляксандр Лукашэнка на ёй не прысутнічаў. На сустрэчы прэзідэнтамі Расіі, Казахстана, Арменіі і Кыргызстана быў падпісаны Мытны кодэкс ЕАЭС. Як патлумачыў прэс-сакратар прэзідэнта Расіі Дзмітрый Пяскоў, з-за адсутнасці на саміце Аляксандра Лукашэнкі ўсе дакументы, раней цалкам ўзгодненыя, пасля зацвярджэння будуць накіраваныя ў Мінск на подпіс прэзідэнту Беларусі. 31 снежня стала вядома, што Аляксандр Лукашэнка падпісаў указ аб адабрэнні праекта ТК ЕАЭС ў якасці «асновы для правядзення перамоў»
