50-гадовы магілёўскі доктар сёння знаходзіцца пад вартай. Яму пагражае да 10 гадоў пазбаўлення волі з канфіскацыяй маёмасці.
Хірурга вінавацяць у атрыманні хабару і службовым падлогу.
Следствам устаноўлена, што абвінавачаны неаднаразова атрымліваў хабар за афармленне і выдачу заведама непраўдзівых лісткоў непрацаздольнасці.
З кастрычніка 2014 года па верасень 2016 хірург выпісаў 117 ілжывых лісткоў непрацаздольнасці 70 фіктыўна хворым грамадзянам, паведаміла Аксана Салянюк, афіцыйны прадстаўнік СК па Магілёўскай вобласці.
Напрыклад, адзін з «пацыентаў» хірурга 12 разоў знаходзіўся на бальнічным, з іх 8 разоў фіктыўна.
Што тычыцца дыягназаў, якія ставіў доктар, то гэта былі альбо ўдар ступні, альбо ўдар локця. Адпаведна такія дыягназы, а таксама частая адсутнасць на працы, выклікалі падазрэнне ў супрацоўнікаў кадравага апарату аднаго з прадпрыемстваў горада, дзе працаваў адзін з яго «пацыентаў».
З матэрыялаў справы вынікае, што ў якасці хабараў за прадастаўленне лжывых лісткоў непрацаздольнасці абвінавачваны атрымліваў ад 180.000 да 500.000 недамінаваных рублёў.
Матэрыялы крымінальнай справы накіраваныя ў суд.
