У французскім Марсэлі арыштаваныя два чалавекі па падазрэнні ў падрыхтоўцы ўзброеных нападаў на мірных жыхароў на манер таго, які быў здзейснены ў Парыжы восенню 2015 года, паведамляе ВВС.

Як паведамляецца, падазраваных затрымалі прадстаўнікі спецпадраздзялення паліцыі і разведкі пасля некалькіх дзён пошукаў. Аднаму з іх 23 гады, а другому 29 гадоў.

У кватэры, дзе пражывалі затрыманыя, прайшоў ператрус. Па некаторых паведамленнях, у ходзе ператрусу былі знойдзеныя зброя і выбуховыя рэчывы.

Па думку прадстаўнікоў праваахоўных органаў, абодва затрыманыя трапілі пад уплыў радыкальных ідэй, калі раней знаходзіліся ў турме.

Міністр унутраных спраў Францыі Маціяс Фёкль паведаміў, што затрыманыя — грамадзяне Францыі, але не назваў месцаў, на якія яны планавалі здзейсніць напады. Пры гэтым ён усё ж падкрэсліў, што гэтыя напады маглі адбыцца ўжо ў бліжэйшыя дні.

У Францыі 23 красавіка пройдуць прэзідэнцкія выбары. З лістапада 2015 года, калі былі здзейсненыя некалькі нападаў у Парыжы, у краіне дзейнічае рэжым надзвычайнага становішча.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру