Пашырэнне ў Літву плануе польская сетка рознічнага гандлю Pepco. Крамы гэтай сеткі прадаюць адзенне і тавары хатняга ўжытку, піша Verslo žinios.
У дадзены момант набіраюць каманду кіраўнікоў, шукаюць нерухомасць.
«Pepco — адна з найбольш папулярных сетак, якія гандлююць дзіцячай вопраткай і прадметамі інтэр'еру ў Польшчы, у апошнія гады кампанія актыўна пашыраецца ў іншых краінах. Менш чым за два гады сетка павялічыла колькасць магазінаў у два разы, цяпер у сеткі больш за 1000 магазінаў», - піша Verslo žinios.





