На выставе ўзбраенняў MILEX-2017, якая адкрылася ў Мінску, прадстаўлены новы міліцэйскі вадамёт.
Аўтамабіль хуткага рэагавання «Шторм» - айчынная распрацоўка ад Барысаўскага прадпрыемства ТАА «Пажснаб».
Гэтая спецтэхніка прызначана для разгону пратэстаў.
Кабіна і фары аўтамабіля абаронены сталёвымі рашоткамі. Гэта неабходна на выпадак, калі дэманстранты будуць закідваць вадамёт камянямі, тратуарнай пліткай ды іншымі цяжкімі прадметамі. Дадатковую абарону атрымаў таксама маторны адсек.
Адвал, усталяваны ў пярэдняй частцы, дазваляе расчышчаць імправізаваныя барыкады. Корпус «Шторма» абаронены спецыяльным негаручым рэчывам.
Машына абсталяваная вадамётам, які падае 40-50 літраў вады ў секунду.
Акрамя вады, «Шторм» здольны ўжываць і спецсродкі, напрыклад слезацечны газ.
