Дзясяткі людзей загінулі ў выніку нападу на казіно пры гатэлі Resorts World Manila у сталіцы Філіпін.
Мясцовыя СМІ паведамляюць, што амаль усе яны задыхнуліся. Магчыма, прычынай гэтага стаў пажар, які пачаўся ў комплексе пасля нападу.
Пакуль незразумела, ці ёсць сярод выяўленых трупаў цела нападніка. Паводле адной версіі, злачынец быў застрэлены паліцэйскімі, паводле іншай - скончыў жыццё самагубствам.
Позна ўвечары па мясцовым часе ўзброены вінтоўкай мужчына адкрыў страляніну ў казіно на тэрыторыі гатэля і падпаліў гульнявыя сталы.
Праваахоўныя органы лічаць, што злачынец дзейнічаў у адзіночку.
Паводле версіі паліцыі, прычынай нападу магло стаць рабаванне. Магчыма, ён спрабаваў скрасці гульнявыя фішкі.
Комплекс быў зачынены і заблакаваны спецслужбамі. Аперацыя па нейтралізацыі нападніка заняла некалькі гадзін.
Раней паведамлялася, што адказнасць за напад ўзяла на сябе групоўка «Ісламская дзяржава».