washingtonpost.com
Некалькі чалавек атрымалі раненні ў выніку страляніны ў горадзе Александрыя, штат Вірджынія (размешчаны за 11 кіламетраў на поўдзень ад Вашынгтона).
У ліку параненых — кангрэсмен-рэспубліканец Стыў Скеліз і некалькі памочнікаў кангрэсменаў. Пагрозы яго жыццю няма, піша ABC News.
Дакладная колькасць пацярпелых невядома, пра загінулых не паведамляецца.
Стральбу адкрыў адзін чалавек, узброены, па некаторых дадзеных, паўаўтаматычнай вінтоўкай. Ён зрабіў больш за 50 стрэлаў і неўзабаве быў затрыманы.
Інцыдэнт адбыўся падчас трэніроўкі да дабрачыннага бейсбольнага матча з удзелам членаў Кангрэса. Паводле інфармацыі Fox News, перш чым адкрыць агонь злачынец пацікавіўся ў людзей, што стаялі каля пляцоўкі, хто гуляе — дэмакраты або рэспубліканцы.
