Reuters
Антыманапольная камісія Еўрасаюза прызначыла амерыканскай кампаніі Google штраф у 2,4 мільярда еўра за парушэнне законаў пры анлайн-гандлі.
Камісія прыйшла да высновы, што Google у пошукавай выдачы ставіў на першыя месцы свае ўласныя сэрвісы, ствараючы ім, такім чынам, перавагу перад канкурэнтамі.
Пра справу супраць Google антыманапольнае ведамства ЕС абвясціла ў красавіку 2015 года. Інтэрнэт-кампанія сваю віну катэгарычна адмаўляла.
Штраф для Google — рэкордны ў гісторыі антыманапольнай камісіі Еўрасаюза. Раней рэкорд належаў Intel, аштрафаванай у 2008 годзе на 1,06 мільярда даляраў.
Штраф, накладзены на Google, аказаўся значна большым, чым чаканыя аналітыкамі 1,1 мільярда даляраў. У ЕС была магчымасць аштрафаваць кампанію на суму, адпаведную 10 працэнтам яе гадавога абароту. У выпадку з Google гаворка ішла б прыкладна аб 9 мільярдах даляраў.