© AFP 2017 / Torsten Blackwood

Вядучы навуковы супрацоўнік Інстытута геаграфіі РАН, кандыдат геаграфічных навук Андрэй Глазоўскі патлумачыў працэсы, якія адбываюцца ў Антарктыдзе.

«Гэта не віна глабальнага пацяплення, гэта натуральны працэс: Антарктыда так губляе сваю масу. Снег падае на кантынент, назапашваецца ў выглядзе гіганцкай масы — гэта ледавіковае покрыва Антарктыды, а потым ад яго адколваюцца такія вялікія кавалкі, у асноўным гэта айсбергі. Зараз Антарктыда ў цэлым трохі губляе — прычым не «плюс-мінус», а абсалютна губляе — каля 150 кубічных кіламетраў у чыстым выглядзе. Гэта значыць, выцякае з яе больш, чым прыходзіць», — сказаў Андрэй Глазоўскі.

Па словах навукоўца, айсберг не паўплывае на ўзровень Сусветнага акіяна, але можа стварыць складанасці для суднаходства.

«Айсберг не тое каб кудысьці паплыў, але ён аддзяліўся ад плывучай пліты, стаў самастойным. Далей у яго лёс такі: ён будзе павольна адпаўзаць ад Антарктыды, ісці на поўнач. Далей ён можа пайсці ў вобласць, дзе назіраецца суднаходства, і там могуць быць непрыемнасці. Цяпер цяжка сказаць, куды ён пойдзе. Там ёсць кругавая плынь, і ён можа пакружыць трохі і пайсці далей. Адразу скажу: ён не паўплывае на ўзровень Сусветнага акіяна, таму што адкалоўся ад плывучай пліты. Але калі б ён запоўз на кантынент, то ўзровень акіяна падняўся б прыкладна на тры міліметры. Гэта вельмі прыстойна. Цяпер узровень Сусветнага акіяна падымаецца прыкладна на тры міліметры ў год, але гэта ўнёсак усіх леднікоў Антарктыды і Грэнландыі».

Клас
Панылы сорам
Ха-ха
Ого
Сумна
Абуральна
7
Каментатар / Адказаць
20.05.1984 / 14:36
Ci treba byc` navukoūcam, kab pryjsci da takich vysnovaū ? :) Dastatkova viedac` zakon Archimieda, kab heta razumiec`. :)) Heta ž nie kantynientaļny liod adkaloūsia. A tut peūnyja vusny raskatali, što ichnyja harody dy lieciščy lia mora apynucca. :))) 
11
Каментатар / Адказаць
03.05.1988 / 00:54
У Расеі ёсьць навука?
10
Каментатар / Адказаць
25.05.1986 / 18:27
...пускай они встретятся ! лёд и металл !
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру